Diasabra pa mas o menos 6:45pm a sosode un accidente serio na Turibana, net despues di JR Autocenter. Un homber riba quadracer dado momento a perde control y bolter. El a resulta herida, pa cual ambulance a presenta pa brinda asistencia y pa transport’e pa Hospital pa tratamento medico.
Testigonan a conta Polis cu nan a mira e vehiculo biniendo den velocidad halto y dado momento a cuminsa core zigzag riba caminda, dunando e impresion cu el a perde control riba e stuur. Den e proceso el a baha caminda y a mira con el a cay di e quadracer y bolter. Polis ta investigando e accidente aki.
