Diasabra merdia, pa mas o menos 12:45pm a para un auto SUV marca Jeep, color blanco, riba e caminda di Rooi Afo. Mesora a nota cu e chauffeur tabata mal burachi y a lag’e test su nivel di alcohol den rosea mesora. A detene na e sitio mes y hib’e Warda di Polis pa e baha su wayaba pa e resto di diasabra, sin cu e mester causa daño na su mes of na otronan.
Ta conseha automobilistanan, den e temponan aki di fin di aña y fiesta, pa corda sali cu un hende cu no ta bebe alcohol, pa stuur pa Bo. De lo contrario lo Bo por haya Bo den situacionnan incomodo asina, den cual Polis ta cera Bo pa evita Bo ta causa accidente den trafico.
