Na prome luga tur hoben mester sa cu Dios a traha hende den su imagen y semehansa. Sea bo ta nace homber of muhe y lo permanece homber of muhe te na e momento cu bo muri.
Tur otro habito cu diabel kier añadi na bo bida bo tin cu rechas’e completamente, den nomber di Cristo Hesus, pasobra e ta contra palabra di Dios. Ningun homber of muhe no por cambia nan mes sanger, curason, ni tampoco nan cerebro.
Esey ta nifica cu tur otro cambio ta temporal, y ta capricho y rebeldia di hende contra Dios.
No laga ningun hende tribi di gaña bo, pasobra si e cambio nan cu nan ta propone den bida di hende tabata aproba pa Dios. Dios lo no a pone den su palabra cu e hendenan cu no ta obedece Dios lo no hereda e reino di Dios (Galationan 5:19-21) y (1 Corintionan 6:9-10).
Ta berdad cu un hende por scoge pa bendicion of pa condenacion, den e caso aki nos ta roga bo scoge pa bendicion.
No bay tras di hende, pasobra ningun hende por salba bo di castigo di fierno, solamente Cristo Hesus. A yega tempo pa bo madura y comprende cu ta dos caminda tin sea cielo of fierno, pasobra e diabel ta purba tur manera pa gaña hende y e ta haya cooperacion di hendenan cu mester sa miho.
Hoben si bo a cay den e trampa di diabel cu kier pone bo cambia di sexo, biba den inmoralidad,of casa cu un homber mescos cu bo, of cu un muhe mescos cu bo, arepenti y sali mas lihe cu bo por for di e pica, sabi cu e palabra di Dios ta bisa den 1 Juan 1:9: Si nos confesa nos pica Dios ta fiel y husto di pordona nos, nos picanan y libra nos di tur inhusticia.
Na e mayornan haci hopi oracion pa boso yiunan. Pasobra e Sanger di Cristo Hesus tin poder.
No ta importa ken e persona ta, si e tin placa, si e ta bon studia, si e tin influencia of no, asina cu e ta hiba bo den inmoralidad y rechaso di Dios. Bo mester aleha for di dje y for di tur esunnan cu ta hunto cu ne pasobra nan ta hibando bo den scuridad, y condenacion (Romanonan 2:5-11).
Pasobra ken cu tin berguensa di Mi y di Mi palabranan, di dje e Yiu di Hende lo tin berguensa ora E bini, den Su Gloria, e gloria di e Tata y e angelnan santo (Lucas 9:26).
No laga ningun hende menosprecia bo hubentud, mas bien den palabra, conducta, amor, fe y puresa demostra bo mes di ta un ehempel pa esunnan cu ta kere (1 Timoteo 4:12).
Honra bo tata y bo mama, cu ta e prome mandamento cu promesa, pa bay bo bon, y pa bo tin bida largo riba tera (Efesionan 6:2).
Pasobra mi sa e plannan cu mi tin pa boso, Señor ta declara, e plannan pa pas y no pa calamidad,pa duna boso un futuro y un speransa (Jeremias 29:11).
Pasobra wowo di Señor ta move bay bin door di henter tera,pa e por sostene fuertemente esunnan cu nan curason ta completamente di dj’E (2 Cronicas 16:9).
No tene miedo di ningun hende, no laga ningun hende bruha bo cabes, no cay den trampa di diabel, no laga placa y posicion pone bo rechasa Dios, Sea fuerte y sea fiel, pasobra Señor ta bo Dios y E lo sostene bo cu su man drechi di husticia.
Y mas cu tur cos haci oracion, pasobra oracion tin poder pa kibra tur locual ta maldad.
Sinceramente,
Pastoor Marcel Balootje.
