Presidente di Parlamento a manda yama un reuinion unda cu lo trata e ley di matrimonio di mesun sexo. Segun partido CURPA, esaki ta nada mas c’un strategia pa no perde voto. y di otro banda, tin un partido RAIZ cu ta pushando pa trata e ley aki.
Tin tres posibel scenario cu por tuma luga pa cu e reunion aki.
1. Parlamentarionan di partido MEP lo no presenta pa e reunion. E chens lo ta hopi grandi cu lo no tin quorum y asina gana tempo y warda riba e sentencia di dia 31 di mei 2024
2. E reunion lo tuma luga. Nos sa cu tanto den partido MEP y partido AVP lo tin parlamentarionan cu lo vota na fabor hunto cu parlamentarionan di partido RAIZ, partido mas, accion21 y parlamentario independiente.
3. Mayoria parlamentarionan lo vota contra y e ley lo no pasa.
Nos por a mira cu e parlamentario di partido RAIZ basta activo na radio emisora. Tanto partido MEP y partido AVP ta dividi riba e ley di matrimonio di mesun sexo. Si nos mira con a vota riba e amienda 7 dia 8 di September 2016 anto nos mester bisa cu ta e 2 partidonan grandi esta AVP y MEP a brasa otro, apoya pa Partido Democracia Real, pa e ley a pasa. Resultado ta conoci 11 na fabor y 5 contra.
Tabata tin parlamentario cu no kier a vota y a bay sconde. E votacion di dia 1 di maart 2021 caminda 17 parlamentario a los laga bay y a vota na fabor pa asina e geregistreerd partnerschap drenta na vigor.
Tanto partido AVP y partido MEP ta kere den Sustainable Development Goals. No ta por nada den luna di September na 2015, gobierno di partido AVP y desde cu partido MEP ta den gobierno cu Bestuurskantoor y Parlamento ta kere den e 17 puntonan di Sustainable Devoplment Goals. E adornonan dilanti nos Parlamento y Bestuurskantoor a papia pa su mes.
Nos por corda e potret di nos prome minister saca cu e number 5 di Sustainable Development Goals cu ta papia di igualdad di genero. Esaki ta e motibo cu partido MEP y partido AVP y partido RAIZ ta di acuerdo cu e matrimonio di mesun sexo. Bo no por pone bo firma bao di e Sustainable Development Goals y despues bin bisa cu bo no ta di acuerdo cu’ne. Pa confirma cu partido MEP ta di acuerdo cu e agenda aki nos prome minister a laga traha e Aruba National Gender Policy y cu orguyo a present’e aki na Aruba y na Den Haag caminda ela bisa bon cla cu su gobierno no ta discrimina.
Nos sa cu partido MEP lo trata di sali ileso di e golpinan cu partido MEP lo por sufri si e matrimonio di mesun sexo wordo aproba den parlamento. Si cassatie dicta na favor di e matrimonio di mesun sexo nos prome minister lo por laba su man y bisa ta cassatie. Si e ley aki pasa e lo bay den historia como prome minister cu lo mester a implementa e ley aki.
Nos di partido Curpa ta contra di e Sustainabel Development Goals paso e ta bay contra e matrimonio institui pa Dios. E palabra matrimonio ta sali for di matriz y nos tur sa cu homber nunca lo por tin matriz. Ora bo nace sea bo tin cos ta colga of e ta plat. Bo no ta nace memey di dje. Claro awendia ta existi operacion pero nada lo por cambia con b’a nace.
Dios su creacion ta perfecto. E Sustainable Development Goals ta un agenda anti Cristian y e despues di legalisacion di e matrimonio di mesun sexo ta bin legalisacion di pedofiel y na final lo bo tin di adora e anti Cristo. Danki Dios e agenda aki pocopoco lo cay den otro y esunnan afilia na e agenda aki lo bay sinta den prizon pa paga pa nan maldadnan.
Nos no por haci bofon di Dios y kere cu nada lo pasa. Esaki ta tempo di Dios y no di politiconan cu pa añas a gaña pueblo. E gobierno Babilonico pocopoco pero sigur lo yega su fin.
Nos di partido Curpa tabata tin un programa di campaña “salba Aruba”. Esaki ta tempo pa salba Aruba. Partido Curpa e unico alternativa.
