Den ora di marduga a drenta cas na Bushiri pa un entrada hudicial. Tanto atraco team como e team di aresto a drenta den accion, compaña pa Flex team y K-9 team. Mirando e peliger cu ta encera tipo di detencion asina aki, nan a bay bon prepara.
Durante e entrada hudicial a efectua detencion di sospechoso Luis M.A. Mendez-Ortiz.
A bin topa cu arma di candela y cantidad considerabel di municion. E caso aki, sigur uno serio, caminda ta logra un biaha mas di kita e peliger inminente di arma di candela for di riba caya. Un bon trabou di e esfuerso di e team di atraco.
Ta sigui apela na e comunidad, pa haci uzo di e tiplijn di polis na momento cu tin informacion valioso pa soluciona caso y/of brinda cuerpo policial cu e tip di oro pa yega na detencion. Tiplijn ta: 11141 caminda tur cu yama ta den forma anonimo.
