EarthCheck ta un compania reconoci mundialmente specialisa den aspectonan di medio ambiente. De Palm Tours a ser otorga e prestigioso Certificado di Oro for di EarthCheck, reflehando nan dedicacion pa sostenibilidad den e sector di turismo.
E premio aki ta celebra un logro notabel den nan mision continuo di sostenibilidad y ta señala nan esfuerso constante pa amplia mas practicanan di turismo sostenibel.
Reflehando riba e logro aki, nan CEO Brian Stedeford a comenta, “Obtene e certificacion di Oro di EarthCheck ta tanto un honor como un yamada pa accion.
E ta representa nos compromiso pa no solamente mantene, pero pa acelera nos iniciativanan enfoca riba sostenibilidad den e industria di turismo. Nos ta compromete pa ta na e frontline di desaroyo sostenibel y lo persisti den innova y implementa practicanan amigabel cu e medio ambiente.”
Nos ecosistema y sitionan cultural valioso di nos isla cu ta atrae bishitantenan di cerca y leu ta crea un necesidad pa proteha y maneha responsabel. E sector di turismo, cu companianan manera De Palm Tours hibando delantero, ta hunga un rol integral den influencia y dirigi e carga di un futuro mas sostenibel.
Stewart Moore, CEO y fundado di EarthCheck, ta felicita De Palm Tours pa adopta un postura di liderazgo den sostenibilidad. “Pabien na e team di De Palm Tours pa e logro aki. Bo compania ta sobresali como un miembro cu ta comprometi den e red mundial di operadornan di turismo cu ta haci un diferencia,” Sr. Moore a bisa.
Pa medio di colaboracion cu EarthCheck, De Palm Tours ta uni cu e resto di lidernan den e industria cu e mesun pensamento progresivo cu ta confrontando activamente e desafionan ambiental cu ta afectando nos planeta actualmente, demonstrando un enfoke proactivo riba turismo responsabel.
