E avion di e exploracion sin tripulacion,MQ-9 Reaper, ta keda desplegabel te 1 di juli otro aña, desde Aeropuerto Hato na Corsou.
Esaki ta sosode pa prepara personal di Forsanan Aereo, pa e tareanan aun mas pisa y operacionnan extenso. Secretario di Estado Christophe van der Maat durante un bishita na Region Caribe Hulandes a duna esaki di conoce.
Tres di e cuater aparatonan cu a cumpra, ta na Corsou desde cuminsamento di e aña aki. Un destacamento di 40 persona a cuminsa, cu e asina yama fase di test y evaluacion.
Segun plan, esaki ta termina den mita di december. Despues e staf ta sigui traha na e disponibilidad operacional. E condicionnan faborabel di tempo y e disponibilidad di espacio aereo tabata motibo pa haci mas prueba cu e sistema sin tripulacion riba e isla.
Ademas e aparato ta colecciona tur informacion como sosten di e organisacionnan (militar) den Region Caribe Hulandes.
Van der Maat: “Tremendo cu MQ-9 Reaper lo por keda desplega pa 6 luna mas largo, pa sostene e Comando di e Forsanan Naval region Caribe y wardacosta region Caribe. Personalmente mi a experencia con importante e aparato ta akinan, cu su capacidad di sensor, pa entre otro e lucha contra criminalidad organisa. Periodo cu a pasa, e coleganan di Forsanan aereo a test e avion exitosamente.
Ta bon cu e 6 luna venidero nan por sigui cu nan training. Base Aereo Leeuwarden ta ricibi mita di december, e di cuater aparato y 2 asina yama (Ground Control Stations) Stacion di control riba tera.
Eseynan ta comparabel cu cockpit, pero e ora ey na tera. E avion por lo pronto ta keda staciona. Ambos cockpit segun ta di spera, otro aña si ta bira operacional. Na e momento ey tambe for di Region Caribe Hulandes, e aparatonan por keda maneha desde Leeuwarden.
E area na Friesland finalmente ta duna ubicacion na tur e sistemanan tecnologicamente avansa aki. Ademas di e actual 4 ta trata di un cantidad igual, cu ta keda agrega acerca.
Eseynan entre tanto a keda pidi kaba (https://www.defensie.nl/actueel/nieuws/2022/06/24/defensie-koopt-versneld-f-35s-en-mq-9-reapers).
E MQ-9 Reaper ta colecciona dato y informacion di ariba. Ta di aplaudi cu e maneho pa medio di satelite, por keda maneha rond mundo. E sistema ta pas completamente den e deseo di defensa, pa por opera a base di accion militar basa riba informacion.
