E siman aki gobierno tabata den parlamento pa asina presenta Presupuesto 2023. Dialuna nan a cuminsa cu e prome dos ministerionan, pero diaranson a cuminsa trata presupuesto di Ministerio di Turismo y Salud Publico, como e carteranan di Minister Ursell Arends, pero a sigui diahuebs.
Dangui Oduber, Minister di Turismo y Salud Publico, a indica cu nan ta lamenta ausencia di oposicion y ta haya cu esaki ta falta di respet pa Parlamento di Aruba, cu ta e organo di mas halto. E ta falta di respet pa pueblo di Aruba cu oposicion den su totalidad. Desde dialuna no tabatin ningun parlamentario di oposicion, cual el a bisa di dies spirito tabatin.
E mandatario a enfatisa di lamenta cu oposicion a scoge un argumento hopi fofo, e argumento no tabata uno valido. El a recorda cu oposicion a indica di tabata warda riba un conseho di Raad van Advies. Na aña 2014 durante Gabinete di Mike Eman, nan a presenta un presupuesto. Durante tratamento di e presupuesto ey, e gobierno a aumenta BBO cu nan mes a bisa di elimina.
Pero awo kier cuestiona cu no tin conseho di Raad van Advies y p’esey a bisa di no ta participa n’e reunion. Den historia di Aruba esaki ta un momento scur, pa motibo cu henter oposicion a opta pa nenga di drenta sala di parlamento, nenga pa representa pueblo. Tambe nenga di participa n’e debate.
Oduber a enfatisa cu diariamente ta scucha oposicion ta expresa nan preocupacion riba costo di bida, riba awa y coriente. Pero awo cu tabata momento pa hiba debate, expresa nan preocupacion y haci pregunta na gobierno, nan no a presenta.
Pa mas lesa TREMPAN.COM.
