Ayera Cuerpo di Marina Real staciona na Aruba a honra un Militar cu a cumpli cu su deber na un forma special. A entreg’e un “oorkonde”, o sea un certificado di aprecio, pa su actuacion. Separa di e certificado, a entreg’e tambe un “Erekoord” pa e bisti riba su uniform. E ceremonia special, conoci den mundo militar como e “Alle Hens” a conta tambe cu invitadonan manera veteranonan di Marinierskazerne.
E Marinier, Jeroen Blom, ta na Aruba desde luna di juli ultimo, trahando como un profesional na Marinierskazerne. Loke a sosode ta cu dia 10 di januari 2019 e tabata den un Café na Den Haag, ora cu un cliente a bira malo y a cay den otro. Siendo un militar, el a bay den accion mesora y a reanima e victima na e sitio, cu consecuencia cu el a logra salba su bida! Na final di e ceremonia, e militar a regala su pareha un boket di flor, como un muestra di aprecio pa e pasenshi cu e tin cune den su trabou.
