Horcan Florence a crece den tamaño, apesar di a wordo degrada na un tormenta di
categoria 2 diaranson, ya cu e tabata acercando mas na e costa oost di Merca y
mobilisacionnan di desaster a expande pa e parti zuid, for di e Carolinas te cu Georgia.
Apesar cu el a wordo degrada, oficialnan a adverti cu ainda e ta mortal ya cu el a precitipa
pa e costa oost di Merca diaranson anochi.Apesar di e cualificacion abao, e forsa cu Florence a bin cun’e ta sigui ta grave, treciendo un storm surge potencialmente mortal cu awasero fuerte pa e dos estadonan di Carolinas.
Preparativonan pa desaster tambe a expande pa e parti zuid na Georgia diaranson. E
estado a emiti un estado di Alerta pa tur e condadonan.
Gobernador di North Carolina a adverti e residentenan pa nan no ta complaciente.
E Centro Nacional di Horcan a bisa cu Florence tabata biniendo cu bientonan maximo
sosteni di 110 miya pa ora y cu e tormenta a crece den tamaño. Ta spera cu e genera
olanan di tormenta di 13 pia y mas halto y cu e ta provoca te cu 40 duim di awasero den
partinan di North Carolina.
Ta spera cu Florence toca e costa zuid di e estado diabierna, dia 14 di September, pa
despues desvia pa zuidwest a lo largo di e costa, prome cu e avansa pa e parti interior di e
pais.
For di dialuna, 10 di September, a ordo mas di un miyon di persona evacua e areanan
cotero den e estadonan di North y South Carolina y Virginia.
Funcionarionan di Wilmongton di North Carolina a adverti e residentenan pa no purba
rescata ningun hende una bes cu e velocidad di biento alcansa 50 kilometer pa ora.
Presidente Trump, kende a enfrenta fuerte criticanan pa e maneho di su administracion di
horcan Maria na Puerto Rico, tambe a insisti pa nan ta cla.
Mientras tanto, negoshinan den e estadonan di North y South Carolina, a wordo tapa cu
plywood y e cayanan tabata parce manera bandona, mientras cu e region ta wanta duro pa
loke por bira e tormenta mas poderoso den casi 30 aña.
