Un produccion nobo local ta riba mercado y a haya sosten di pueblo cu a acepta e cancion di biaha. Nomber di e cancion ta Proud dibo.
A tuma un trayectorio di aproximadamente un luna pa acopla tur detayes y instrumento den otro mirando cu e parti di guitara a keda den man di e musico prodigio Criss Kross cu na e momento ey tabata en contra su mes na Boston. Na momento cu e grabacion a yega Aruba, Chris “Krizs” Vrolijk por a drenta studio y traha riba e parti final di su cancion nobo.
Nigel Dream ta e studio di grabacion
No a para keto, mes ora a drenta studio pa asina cuminsa duna bida na e cancion nobo aki. Den apenas dos dia por a bisa di tin un version final y cla pa keda presenta na publico. Letra di e cancion aki tabata den man di ex integrante di e banda Nastyplay di Hulanda, Cizzle van Thiel. Algun adaptacion a bin acerca di parti Roderick “Rocco” Franken na momento cu a drenta studio. Composicion como produccion tabata den man di Criss Kross.
Ta acerca Rocco Franken
Pregunta cu a bin dilanti ta dicon a acerca Rocco Franken. Krizs ta duna di conoce cu ta su persona a acerca Rocco pa e produccion aki. No solamente su trayectorio impecabel como artista pero sigur e bos/ interpretacion unico y talento indiscutibel di Rocco a pone mes ora como esun perfecto pa acompaña Krizs den e cancion nobo na caminda. Resultado final, un produccion netjes y positivo
Chris “Krizs” Vrolijk ta conta cu esaki ta di segundo cancion como solista, e ta un artista cu ta purba lo maximo pa su publico ta confortabel cu e variacion y cancion cu e ta presenta. Semper buscando un smile riba cara di su fanaticada na momento di canta. Despues di un acogida gratamente sorpresivo y grandi cu e prome produccion “No namora” no solamente na Aruba pero na nos islanan ruman di cual e ta unicamente gradicido, e ta mira e segundo produccion aki como un siguiente HIT. E opcion di traha cu e mes un team aki tabata escogencia inmediato pa asina logra un cancion exitoso un biaha mas.
Un danki di curason ta bay semper na tur esnan cu ta sostene artista/ musica local pero muy special na esnan cu ta kere den e artista Krizs y su produccion nobo cu ta eyfo caba pa asina deleita un y tur.
