Poco despues di 1:00 PM a tuma luga un accidente na Ponton. No di gravedad, segun e prome informacion, pero si cu daño y herido.
A tuma nota cu tabatin tres vehiculo envolvi di cual un di nan, door di e impacto a perde control y a bolter. Pues a keda cu su cuater tairanan den laira. E accidente a sosode cerca di e di dos rotonde di Ponton, bayendo direccion di Playa pa Noord.
E autonan envolvi ta un Suzuki Swift shinishi y otro color blauw, mientras cu e di tres vehiculo ta un minicooper color blauw.
Un di e chauffeurnan, di poco edad caba, a haya un corta na su frenta. Personal medico di ambulance a atende na e sitio mes. Tur autoridadnan concerni tabata na e sitio.
Con e accidente a sosode no por bisa ainda. E dos vehiculonan Suzuki a sufri daño menor.