Despues di un charla sumamente exitoso na juni, un biaha mas dr. Carlos Guerrero di Instituto Stemwell a bin Aruba pa un otro charla sumamente interesante.
Mirando e exito di ultimo biaha, a dicidi pa pone e charla den Holiday Inn den Las Palmas Ballroom pa asina mas hende por tin un bon luga pa e cantidad di hende cu a presenta pa e charla aki. For di e testimonio di e pashentnan cu a bay Stemwell, por mira claramente cu e tratamento aki a mehora nan calidad di bida.
Di testimonio di e dos di e pashentnan aki, Shariska y Magali, por conclui cu nan ta hibando un bida hopi mas trankil despues di a sigui e tratamentonan na Instituto Stemwell na Bogota. Nan tur dos tabata t’ey presente pa asina conta un y tur, con nan a cuminsa, y tambe di e dolornan cu nan tabata sinti prome cu nan a haya sa di e tratamentonan di dr. Carlos Guerrero.
Magali
Magali ta conta cu e ta un pashent cu problema di lomba cronico. E tin tres operacion caba di lomba. For di aña pasa, el a bolbe cuminsa haya complicacion. Su coleganan a bay Colombia na Stemwell pa asina sigui nan tratamento y Magali a sigui nan. Loke a pasa cun’e, ta algo di admira, kico e funcion di stemcell ta.
Magali tin 12 aña cu algun di su nervionan a wordo daña na Aruba. Prome di a haci e tratamento di stemcell, e tabata tuma tramadol, cual a haci’e malo. Magali a bay haci e tratamento di stemcell y awo, despues di 12 aña, el a bin cuminsa sinti su pia bek. E no tabata tin gevoel. Su pia no tabata reacciona riba ningun test cu dokter tabata haci cun’e. E ta sigui conta cu prome cos ta cu e nervio siatico ta daña y cu no por wordo drecha y e tin prueba di esey. Magali tabata asina malo cu e no por a sinta. Un siman atras, Magali a cuminsa sinti e sensacion den su pia. Awo, e por bisa cu stemcell no ta malo. El a tuma hopi conseho, sinembargo e por bisa cu el a mira full un cambio. Magali ta hende cu ta biba riba pildo y awo e no ta asina mucho mas. Su manera di biba tambe, e mester a baha peso, tuma e terapia cu Stemwell mes ta guia. Por bisa cu e no ta lamenta di a haci e tratamento aki.
Shariska
Shariska Winterdaal no ta un persona desconoci. E ta un deportista, kende tambe a haya tratamento di Instituto Stemwell. E ta conta cu dos aña pasa, e tabata tin un lesion cu e no por a core nada mas. El a bay chiropractic, tambe fisioterapia, pero no por a yuda.
El a tende di dr. Carlos Guerrero, kende a bin Aruba pa su prome conferencianan. El a papia cun’e y a splik’e di su situacion y cu si nan por yud’e. Shariska a regla pa bay Bogota y un aña pasa el a bay pa haci un tratamento. Awe, dos siman pasa, despues di dos aña el a core un marathon. E no a haya ningun dolor door di e problemanan cu e tabata tin cu e no por a core. Pa Shariska e tabata un happening, pasobra e no a kere cu e lo por a core marathon bek un dia. Cu e tratamento di stemcell, for di su experiencia, e trato cu ta haya eynan, ta increibel. Nan ta regla asina hopi bon, hotel y tur cos, y e tratamento y proceso, ta increibel. Shariska no por compar’e cu aki na Aruba. Esey ta hopi bon pa otro hendenan cu tambe tin problemanan cu rudia, etc, cu nan por bay eynan y haya yudansa. Manera cu dr. Guerrero ta bisa, e ta mehora bo calidad di bida.
Den e caso di Shariska, e kier a sigui core y awo, e no tin ningun problema. E aña aki Shariska a bay bek na luna di juni, pa haci un refuerso di su musculonan. Esey a haci un boest pa e por a sigui haci su trainingnan pa e marathon cu e mester a bay october. Pa aworaki, e no ta sinti cu e lo mester bay bek. E tratamento ey a yud’e.
Shariska ta recomenda tur hende cu puntra of bis’e di nan problemanan cu nan pia, cu nan musculo of joints. Pa mas informacion por yama of hasta whatsapp numbernan +57-305-4811781 of +57 350-7836166. Por bay tambe riba nan website www.stemwell.co of manda nan un email na [email protected].