Ya cu na Aruba, nos propio gobernante- y parlamentarionan no tin e corahe di atende cu e topico di matrimonio di mesun sexo, fin di luna, lo trata e caso den corte di casacion na Hulanda. Ey si, lo tin un resultado final. Si e bay bon, cu un setencia positivo, ta nifica cu mesora tambe, pareha gay por casa na Aruba.
Abogado mr. David Wever di Fundacion Orguyo lo ta presente tambe den Hoge Raad. Tin diferente scenario, e prome; si e hues bay di acuerdo cu hof, ta nifica mesora cu por casa na cas mes.
Tin cu pensa tambe cu hues por bisa cu no tin discriminacion, pero ta un echo cu tin discriminacion. E ta un realidad cu na momento cu tin un discriminacion, tin cu ‘hef op’ mesora. Hoge Raad por bisa cu tin discriminacion pero cu nan mes no por elimin’e. E mas probabel ta cu, e sentencia lo ta uno positivo p’e comunidad gay y mesora tambe tin cu aplica e ley, esta parlamento. E ta un ‘arrest’ final, pues ta duna su opinion si hof a haci su trabou debido of no. Claro, e ta un posibilidad cu por manda e caso bek pa hof cu algun recomendacion pa cambio. Pero, tur cos ta mustra cu e sentencia lo ta manera Wever ta mir’e.
