No tin nada cu por stroba Hulanda pa yuda Corsou y Aruba proactivamente den alberga refugiadonan Venezolano.
Ta un deber moral pa Den Haag tuma accion si un caminda den Reino, derechonan humano ta wordo atacha. Cinco experto riba campo di derechonan humano, riba invitacion di e comision di Eerste Kamer pa relacionnan di Reino, a aclarea e stancamento: di un banda, Corsou y Aruba cu, debi na nan escala chikito relaciona cu e tamaño di e problema, simplemente no por cumpli cu e deber den e area di derechonan humano y, di un otro banda, un gobierno Hulandes cu ta den gran medida distante, bao di e lema cu ta trata di un asunto di paisnan autonomo.
Maarten den Heijer di e Universidad di Amsterdam, Ernst Hirsch Ballin, di e Adviesraad Internationale Vraagstukken, Irene Broekhuyse di Vrije Universiteit, Matty Verburg di Amnesty International y e Ombudsman Nacional, Reinier van Zutphen a wordo puntra door di e parlamentarionan pa duna nan vision ken ta responsabel dentro di e contexto di e Statuut di Reino pa e bienestar di tur e cuater paisnan dentro ta bin na remarca pa e Decreto Europeo pa Derechonan Humano (EVRM).
Pa loke ta e miembronan di e comite, nan no tabata sa (entre otro cosnan pa e informenan alamante di e organisacionnan internacional di derechonan humano) cu EVRM tabata wordo viola na gran escala, awo por mira claramente pa e imagen cu Verburg a describi cu ehempelnan concreto di e condicionnan deplorabel bao di cual ta cuida y ta trata e refugiado/migrantenan Venezolano.
El a señala cu no ta un cuestion pa e institutonan internacinal si Hulanda ta responsabel di garantisa e derechonan humano den henter Reino.
E expertonan legal tambe a uni na e opinion aki. Hirsch Ballin ta haya cu e articulo di garantia den e statuto (‘intervencion’) no tin e intencion di warda te ora cu cosnan sali malo, sino cu ta ofrece espacio pa esfuersonan preventivo.
Broekhuyse ta mira den un otro articulo di e statuto un ‘deber moral’ di Hulanda (como e socio mas grandi di reino) pa tuma e iniciativa, tur di cual ta prefera pa Hulanda proporciona e asistencia necesario den consulta cu Corsou y Aruba.
Pero si e paisnan Caribeño no kier esey, e ora Den Haag ta legalmente legitimo pa haci algo pa forsa e derechonan humano den e otro paisnan.
Esaki por wordo haci, por ehempel, mediante un Orden General di e Gobierno central cu lo ta imponi door di e Conseho di Ministernan di Reino.
Den Heijer ta mira otro opcion: na 2014, Hulanda (atrabes di RMR) a duna un instruccion na e gobernador di Aruba pa investiga e sostenibilidad di e presupuesto.
Awo Hulanda por instrui e gobernadornan di Corsou y Aruba pa instrui UNHCR na investiga e situacion di e derechonan humano den ambos pais.
Conclusion: e statuto no ta obstaculisa e actuacion, al contrario di loke ta e gobierno Hulandes ta afirma repetidamente. E ta manera cu e mensahe central pa e miembronan di e comite, uramente y den termino di boluntad (politico).
