Varios edificio di e campus principal di Facebook na California a wordo evacua temporalmente diamars, debi na un menasa di bom.
Mas despues, polis a lanta e alerta. E unidad antibom di San Mateo a responde na e alerta den e sede di e compania na Menlo Park, departamento di polis local a informa. No a haya ningun pakete sospechoso ni dispositivonan explosivo, polis a bisa.
Un vocero di Facebooka bisa cu polis a evacua algun edificio den e campus. Tur e trahadonan ta a salvo y ya a permiti nan drenta den e edificionan.
“Na Facebook, nos ta tuma hopi na serio e proteccion y siguridad di nos hendenan y nos ta complaci cu tur hende ta a salvo,” e vocero a bisa den un comunicado.
“Nos ta trahando di cerca cu autoridadnan local den e investigacion di e menasa aki y nos lo sigui monitorea e situacion.”
Polis di Menlo Park a bisa cu nan ta trahando cu e Departamento di Polis di New York pa investiga e fuente di e prome aviso, cu a wordo manda na e unidad anticrimen di polis di New York.
E campus di Facebook ta keda mas of menos 48 kilometer for di San Francisco. E compania a muda pa eynan na 2011 y for di e tempo ey a añadi varios edificio.