Na Sero Patrishi, na casnan di FCCA, presencia di Polis tabata necesario diasabra anochi pasa di 10or. E melding a drenta via Alarma Central unda ambulance tabata presente na e adres. Paramediconan a bay pa un hende muher cu lo a cay herida su mes. Na yegada a topa cu un senjora cu no a cay pero a wordo bati. Polisnan a wordo avisa y na yegada a topa cu personal di ambulance y tambe e senjora herida. A resulta cu ningun momento e senjora a cay. Mas bien e homber a bati e muher den cas. Polis a topa cu e homber tambe. El a keda deteni mesora na e sitio y treci warda di Polis. E muher a bay hospital cu ambulance. A mustra e muher riba e caminda cu e mester cana. E motibo di agresion no ta conoci.
