Chauffeur a bolter cu auto riba Sasaki Weg

Diasabra atardi un chauffeur cu un Starlet bieu a accidenta y keda herida. Tabata banda di 4or cu a drenta informacion na Polis cu un auto a bolter riba Sasaki Weg. A pidi pa bay pura pasobra tin hende herida. Esaki tabata net na e crusada pariba di Hospital pero riba Sasakiweg. Ora cu Polis a yega cu nan unidadnan a haya e chauffeur benta riba tera mey mey di e dos camindanan di Sasaki. E chauffeur tabata keha di dolor na curpa y presencia di ambulance tabata necesario. Ambulance a yega y Paramediconan a bay cu e victima pa Hospital. E chauffeur tabata bin di Playa bayendo direccion Palm Beach. E velocidad halto y no pone atencion riba caminda a pone perde control. E tabata yegando e crusada pariba di Hospital y mirando trabounan andando tin varios obstaculo pa desvia e trafico. E chauffeur mirando e velocidad no a paga tino bon y pa ora e kier a kita na man drechi y pa evita di dal otro auto a pone cu el a mishi acera bay bolter den e rooi. E auto a cay bek riba caminda. E auto no tabata tin ningun papel na ordo. Polis a laga e auto atras benta despues cu e chauffeur a bay hospital cu ambulance.

Comments

comments