Durante un conferencia di prensa, minister Plenipotenciario di Aruba na Hulanda Guilfred Besaril hunto cu Daniel Tecklenborg di CEDE Aruba, a splica di Festival di Aruba Dag cual ta tuma luga na Hulanda riba 28 di maart. Esaki den cuadro di celebracion di Dia di Himno y Bandera. Manera ta conoci, aña pasa e celebracion no a sigui pa motibo di e pandemia di coronavirus. E aña’ki pa celebracion di 35 aña lo ta grandi pero den forma virtual.
E festival ta bay tin un meta caritativo su tras, unda ta bay traha hunto cu e programa Happy To Give Back.
Directamente for di Hulanda, minister Plenipotenciario a splica cu ta celebra 35 aña Aruba a bira un pais autonomo y e mester ta algo hopi special.
A scoge pa celebracion virtual debi na e crisis cu mundo ta aden ainda debi na coronavirus. Y hustamente pa convivi cu esnan cu ainda ta sufri e consecuencianan a dicidi di traha hunto cu e programa Happy To Give Back, y tur e Arubianonan cu ta biba den exterior. Ta hustamente for di esnan cu ta biba den exterior kier pidi un aporta pa yuda esnan di e isla cu a sufri hopi e consecuencianan.
DEN HAAG 14-12-2017 SCHIMMELPENNINCKLAAN GEV. MINISTER VAN ARUBA. FOTO JOS V LEEUWEN / ARUBA HUIS
For di 12’or di merdia (ora di Aruba) te cu 6’or di atardi lo tin e evento grandi, unda ta comparti diferente momento di e historia di Aruba durante e 35 añanan cu a pasa.
Por bay riba e website di Happy To Give Back y mira con por duna bek na comunidad for di awor caba.
