Ora bruha entre reverse y drive ta direccion robes so por bay

2362

Diamars atardi un bruhamento entre reverse y drive a conduci na daño material lamentabel na un Suziki Vitara. Para den area di parkeo e chauffeur a primi e trot cu e pensamento cu e speed tabata corectamente poni y pa su asombro e vehiculo a bay cu tur su forsa dilanti y dal den muraya di e establecimento.

Esaki a sosode den careda di 2:00PM den parkinglot di Home Sweet Home na Dakota, cu pa casualidad mainta trempan tabatin tin accidente na e crusada su dilanti cu 4 vehiculo envolvi. 

E chauffeur femenino, di edad respeta, tabata bezig cu su compras y na momento di bandona e parkinglot no a percata e descuido aki.

E no a resulta herida pero sigur a pasa den un susto na momento cu el a impacta den e muraya como tambe ora e airbagnan a sali. Daño material ta considerable.