Marinonan Meraicano lo bin Aruba pa tene nan ehercicio. Dia 5 di juni e ehercicio Caribbean Coastal Warrior lo cuminsa. Den e evento anual aki marinonan di e Cuerpo di Marina di Merca (USMC) hunto cu e marinonan di e Marine Squadron Carib. E ehercicio lo dura te cu dia 4 di juli.
Merca y Hulanda tin un cooperacion militar estrecho cu otro. USMC y Korps Mariniers ta considera otro partnernan permanente. E marinonan Mericano di e di 2 Reconnaissance Battalion ta tene nan ehercicionan regularmente na Aruba. Di otro banda, marinonan Hulandes di e Marine Squadron Carib (ex Raiding Squadron) tambe ta tene nan ehercicio anual na Merca. Esaki a tuma luga na maart tambe.
Caribbean Coastal Warrior ta un ehercicio unda cu actividadnan di buceo ta central. Buceadonan di Hulanda tambe ta participa na e ehercicio. Hunto cu e Cuerpo di Marina di Merca nan realisa varios buceo di calificacion y certificacion cu e Cuerpo di Marina di Merca. Korps Mariniers ta facilita instructornan di buceo, unda cu ta traha conhuntamente cu e marinonan Mericano pa asina coordina e proceduranan di buceo. Esey lo mester mehora e efectividad di operacionnan den conhunto.
CENTRO DI FORMACION
Pa ambos unidad e awanan di Aruba ta un luga ideal pa realisa nan ehercicionan. E combinacion di temperatura di awa y claridad como tambe e apoyo logistico desde e cuartel militar na Savaneta, ta optimal pa ehercicionan e region di Caribe pa posiciona su mes mas como un centro di formacion riba tereno internacional, tanto terestre como riba awa.
COVID
Marinonan Mericano ta tene nan mes na e reglanna di COVID di Aruba. Nan a test prome cu nan salidad. Mas o menos 30 marino Mericano lo ta biahando pa Aruba.
Riba e combinacion di potretnan por mira un bista fotografico di e ehercicionan realisa.
