Diferente team special di polis, entre nan recherche y atraco team, a presenta na un adres na Yara, caminda cu a haci un detencion relaciona cu e caso di asesinato di awe mainta den Flamboyanstraat.
Ta trata di e hoben P., kende a presenta na warda di polis y eynan deteni. E di dos hoben deteni ta di inicial C., tambe di 17 aña. Aki polis a presenta na su cas na Yara, unda a detene.
No ta descarta cu por tin mas detencion den e caso aki y investigacion ta continua.
Loke tambe nan a haci ta un entrada hudicial pa asina yega na e arma di candela uza den e asesinato aki.
Vocero policial, Lito Lacle a menciona tambe cu informacion di pueblo tambe ta importante. A base di informacion ricibi riba nan tiplijn, polis a mobilisa y sin informacion nan no por resolve e caso.
Yamando e tiplijn 11141 ta hopi importante pa laga informacion atras. Mas completo e informacion ta, mas lihe e caso por ta resolvi.
Mientras tanto polis ta sigui cu nan investigacion.
