Den cuadro di e maneho di personal y e consehonan cu a duna gobierno pa loke ta e gastonan di personal di ultimo añanan aki, a haci un comparacion di cantidad di hende y tareanan cu tin na Corsou por ehempel y e tareanan cu Aruba tin.
Segun directora di DRH, Omaira Lares, e diferente no ta mucho grandi. Den e aparato publico na Aruba, tin 400 hende mas compara cu esun di Corsou. Nada mas tin cu bisa si cu e tareanan cu pais Aruba, como organisacion di pais Aruba tin, ta mas hopi cu esunnan di Corsou. Na Corsou, algun aña atras, a scoge pa pone cierto tareanan den identidadnan priva, manera un SOA, cu ta haci trabaonan di CAD, di control, ta den un fundacion.
Na Aruba ainda e ta den e organisacion di pais Aruba. Asina tin mas departamento cu ta cay den un entidad apart cu no ta cay directamente riba payroll di pais Aruba. E diferencia no ta grandi y poco poco ta analisando con ta yega na e miho fit entre cantidad di trabao y cantidad di hende cu tin.
Productividad
Caminda cu hende ta traha, vooral cu e stigma cu Ambtenarij tin cu nan ta come pastechi so y lesa corant, tin falta di oranan productivo den organisacion. No ta tur trahado ta mesun cos.
Tin un incidente cu a sosode algun siman pasa, cu un empleado publico a bay den prensa pa menciona cu nan a baha su salario cu 850 florin den un solo tiro. Lares a trece dilanti cu no ta asina asina un empleado publico su salario ta wordo baha. Den e caso aki tabata parti di un maneho di ziekteverzuim cu tin. Den e ziekteverzuim, entre empleadonan publico, den e AO di un dia of kortverzuim, ta yega na 66% di e total ziekteverzuim. Un, dos dia, un paar di dia ta hopi halto compara cu sector priva. Ta 3% di e total ziekteverzuim. A base di esey a busca manera pa manehe. A bin cu den ley tin posibilidad cu bo por tin instrumentonan pa atende cu esaki. Un di nan ta loke ta yama un hende cu ta dos aña continuo malo via SVB, por baha nan salario cu 10%, despues di 24 luna y 20% despues di 36 luna. Te cu 48 luna e ta yega y despues ta bay pa un medische afkeuring y e persona por bay den un invaliditeitsuitkering.
Tambe tin e di dos forma cu ta e parti di loke ta yama samengesteld verzuim. Esey ta nifica cu den un lapso di periodo ta meld ziek y e otro no tin 28 dia. Esey ta nifica cu den un periodo di 2 aña e persona ta meld ziek cada rato. E comienso di luna, mey mey di luna, despues aki dos siman, ta bolbe tuma un siman. Esey a pasa den e caso cu a baha e salario. Tabata tin mas caso asina aki. Mas of menos 6 cu a bay contra. A bisa cu no a notifica e persona na tempo y di biaha Lares a yama e persona y a pidi’e despensa y a paga e salario cu a wordo wanta bek y tambe na e otro seisnan cu a wordo wanta aden. Tambe a paga esakinan bek. Pa asina cu por meld den e curso di simannan cu ta bin, pa asina cu haya un maneho di personal riba ziekteverzuim, cu bo ta trece mas hende na pia di trabao. Lares tambe ta confronta den su departamento cu ziekteverzuim. Por ta e ta un of dos hende, pero bo ta hayabo cu bo no tin hende pa traha. Esey ta fastioso cu tin den e aparato publico, pasobra e absentismo directamente no tin un consecuencia pa e salario di e persona. Cada biaha bo por meld ziek, un, dos dia. Despues un siman. No tin ningun consecuencia cun’e.
