Den cuadro di combersacion cu sindicatonan, DRH ta topa cu nan regularmente pa informa nan over di nan personal.
Esaki tambe ta e caso cerca TOPA cu a bay keha cerca prome minister. Esey ta locual cu nan tabata kiermen cu nan lo sinta cu DRH riba partinan individual. Lares a keda sorprendi cu a tende cu nan tin problema. Si nan tin varios reto, cual tur departamento tin. Segun cu a combersa cu prome minister, e kiermen cu ta e dialogo regular cu mester tin cu TOPA y esey y tur otro sindicato ta bon bini pa combersa e mesun cos. E aña aki tabata tin reunion cu SADA riba e rangenstelsel. Tabata tin reunion cu SEPPA riba Arumil. Tabata tin reunion cu SPA riba algun cos den KPA. Ta bezig cu nan tambe pa algun inrichtingsplannen cu tin. Cu tur sindicato DRH ta papia. Cu ta bay bin un comision pa reorganisa y pa atende cu e problemanan di DRH, Lares no ta kere pasobra esey no ta e caso. Den DRH tin retonan cu tur otro departamento, pero no cu tin un motibo pa atende cu problema.
Avalancha di stukken
Lares a bisa adicionalmente aña pasa tabata aña di eleccion y a haya nan mes cu un avalancha di stukken desde Mei, cu nombracion pa vaste dienst. Esey ta tur aña cu tin eleccion, e cantidad ta subi. Esey, compara cu ora cu e gobierno a baha, mester a handel af un cantidad di hende cu a bay for di servicio y tambe esnan cu ta drenta den servicio, cambionan, hendenan cu a haya overplaatsing, a pone cu DRH a cay atras pa atende cu algun stuk. Esey a informa tur departamento tambe y tambe e sindicatonan, ta na altura di loke a pasa. Mientras tanto nos ta na Augustus, e werkvooraad a baha for di 4000 na cuminsamento di aña y awo tin 2000 den werkvooraad, cu tin pa luna, cual ta normal. Mirando e siman aki, cu ta temporada di vakantie, tin menos hende ta trahando, pero tur departamento ta asina.
Lares a splica cu TOPA ta mas cu bon bini pa bin cu e lista stukkennan individual cu kier papia riba dje. Problemanan di DRH, ta cu prome minister ta atende cun’e, kende ta encarga cu e departamento.
Contractonan sin renoba
DRH tin tur documento. Nan tin tur cifra di contractonan sin renoba. Aunke Lares a splica cu e ta prefera pa esaki sosode via prome minister, por ehempel di tur e casonan den corte cu tabata andando cu mester wordo soluciona ainda. Pero tin informacion total di dje. DRH ta un departamento cu ultimo añanan a inverti hopi den automatisacion, den ICT. Nan tin programanan hopi moderno y rapido. Nan a catch up bek y por duna tur sorto informacion di cifra, di salario, di cuanto hende ta drenta. Sa precies cuanto hende ta baha cu pensioen te na aña 2025. Sa precies e verdeling, cuanto hende ta den cua schaal, cuanto falta pa haya promocion. Nada mas cu nan trabao ta hopi analitico. Mester analisa hopi prome cu manda un peticion.
