Ayera 18 di òktober 2017 e dia tabata karga ku informashonnan riba diferente temanan importante manera kambio di klima, derechonan humano i re organisashon di e órganonan di Nashonnan nan Uní, komo chèri riba e bolo ta presente durante e debatenan den “Veiligheidsraad” riba e problema den Medio Oreinte ,Gaza. Durante e debatenan riba tema di Gaza nos por a tuma nota ku e tema di Gaza ainda ta leu di yega su final.Ta hopi kla ku Israel I Merka durante e intervenshon aki ta akusá Iran di ta e pais ku ta spònser Hamas, Hezbollah i PLO ku armanan ku lo mester ta kulpabel pa atakenan na e area aki. Palestina na su banda ta pidi pa Gaza mas pronto posibel por pasa bou di nan responsabilisá di nan mando mirando e situashon humanitario ku ta den un nivel no akseptabel. Tambe nan ta akusá Israel di ataka i destruí skolnan i hospital ku a wòrdu konstruí ku fondonan internashonal. Suesia na su turno a hiba e mensahe di pasifikadó i pidi mas pronto posibel yega na akuerdo ku e diferente aktornan. Un eksperensia úniko mira kon e 15 paisnan di Veiligheidsraad ta debatí riba echonan mundial di importansia. Despues di e seshon aki nos a skucha Fabrizio Hochschild di “Strategic Coordination Office “ku a splika e diferente kambionan ku ta tumando lugá den UN den kuadro di ehekushon di e mishonnan I asina logra e diferente metanan e mishonnan di UN di manera mas efektivo. Nos a kontinuá nos seshon nan di “briefing” ku Chief Of Section Woman, UN woman sra.Paivi Kannisto i Njoki Rahab ,Senior adviser Gender unit. Aki nan a splika e importansia pa Hende Muhé ta mas presente den puesto nan ku ta tuma desishon den sektor priva I gubernamental. Ku dor di buta
mas atenshon riba prevenshon i hasi Gender “assessment “ por yuda e muhénan/mucha muhénan den pais den konflikto mas dirigí. Sra.Paivi eks Parlamentario di Finlandia a kompartí ku mi kon importante e komishon di Hende Muhé tabata den e desaroyo di Finlandia. Durante e reunion aki mi a pidi koleganan di Reino pa lanta un komishon di Parlamentario i Mandatarionan Hende muhé pa yuda stimulá leadership di nos hende muhénan i desaroyo General di nan. Kòrsou ya pa hopi aña no tin un “vrouwenzaken” den kuadro di esaki tambe ta di opinion ku Parlamento di Kòrsou pa lanta un komishon di Hende Muhé i si desaroyo
den Parlamento. Ora e briefing aki a terminá nos a kontinuá ku esun di Human Rights ,unda
a enfatisá riba e derechonan básiko di e ser humano.Tambe a papia riba e dokumento di “Human rights and Business “ ku mester yuda e trahadó wòrdu protehá pa derechonan humano. E parti di LGBTI tambe a wòrdu trese dilanti unda e orégano aki tin e “challenge” pa konsientisá riba e derecho básiko aki di respetá pa otro ser humano sin importá religion, rasa
òf sekso. Un di e temanan ku e islanan den Reino a pidi tabata esun di e situashon klimatiko i lamannan. Aki nos a haña un tremendo presentashon di e organisashon WRI(World Resources Institute), sr David O’Conner ku a trese dilanti e importansia di klima den kuadro di nos metanan di SDG’s( Sosial Development Goals). Tambe e trese kon diferente paisnan a integrá e SDG’s nan aki nan leinan I i kiko ta diferente retonan pa ku esaki. E importansia di klima ta unu di prioridat mirando e efekto impaktante ku esaki por tin riba diferente SDG’s. Aki e la mustra e problema di subida di temperatura di laman ku 1.5 grado pa e islanan pero tambe Hulanda mes ku ta Bou di nivel di laman. Pa kompletamente e tema aki nos a sera e dia ku un representante di UNDP ,sr Roach ku tin na enkargo e area di Karibe I Latino Amerika
,unda nos elaborá riba e problemátiko di kambio di klima i kiko nos mes por hasi pa mitiga esaki. E la duna e islanan di Seychell I Singapore,unda e enfatisá riba e manera di konstrukshon di kasnan i edifisio nan pero tambe kon a train e komunidat mes pa por yuda nan mes hendenan lanta para bek riba nan pia despues di un desaster natural,sin mester ta dependé ayudo esterno 100%.Un Bon notisia ta ku resientemente a bini ku e idea pa tin
cluster pa kada region di UNDP I asina fasilitá e ayudonan mas lihé,entre otro pa nos islanan.
Na final di dia mi a topa ku un yu di Kòrsou ku ta traha na Nashon nan Uni pa mas ku 17 aña ku a bini studia i keda biba aki na New York,Wesley Smith. Un persona positivo i trahadó ku tin nos Kòrsou na su kurason maske kon leu e ta.
