Biblioteca Nacional Aruba ta presenta un exposicion di artista Danilo Geerman. Esaki ta habri diabierna dia 5 di mei pa 6:30 PM. Un y tur ta keda cordialmente invita pa bishita e exposicion titula ‘Daylight Dreamscapes’ aki cu lo ta habri te cu dia 26 di mei durante orario regular di biblioteca na Playa. Apertura ta diabierna dia 5 di mei pa 6:30 PM.
E conocido artista Danilo Geerman ta presenta su tan espera exposicion solo na mei. Pa cu e exposicion cu lo bay tuma luga awor, Danilo ta trece padilanti un serie di obra cu el a traha e ultimo añanan. Mayoria di obra ta oleo riba canvas, (cual ta su specialidad) pero tambe manera cu ta conoci di dje e lo bin cu otro media (material) tambe, mirando cu e ta traha den diferente disciplina.
Ta cinco aña pasa cu Danilo tabata tin su ultimo exposicion solo, esey tabata den colaboracion cu Ateliers ’89, den e sala na unda tabata Unle Luis Store na San Nicolas. E tempo ey e exposicion a haya un bon acogida di publico en general. Durante e tempo cu a pasa Danilo no a para keto, pero a sigui traha riba su arte y riba su network y otro aspecto di su practica. Danilo a participa na e exposicionnan den grupo si.
Danilo a negocia cu dos galeria na New York, pa haya representacion den nan, pero durante pandemia tur dos a cera nan porta. Esey ta haci cu e mester a cuminsa ful di nobo.
Na februari e aña aki e tabata na Mexico City, unda tin e Art Fair mas grandi di Latino America. Aki Danilo a haya contacto cu otro galeria. Tambe el a bishita varios galeria den e periodo cu e tabata eynan, descubriendo cu Mexico City ta e capital di arte den Latino America. Tambe el a realisa un proyecto den Taller Grafica Nahual den centro di ciudad. Danilo ta presenta su obranan via su Blog.
Danilo Geerman is a visual artist from Aruba who works in various mediums such as painting, drawing, collage, installation and sculpture. He has a blog where he posts some of his artworks1 and a website where you can see more of his portfolio2. He also has a video documentary about his art and life on Vimeo3. He is known for his abstract and organic style that explores themes such as nature, identity and spirituality.
