Servisio pa Planifikashon Urbano (ROP) ta informá, ku Sr. Chesley Rach, hefe interino di ROP su kontrakt a termina entrante 1 di sèptèmber 2021. Ministerio di Tráfiko, Transporte i Planifikashon Urbano (VVRP) ta hopi agradesido, pa Sr. Rach su
aporte for di 1 di aprel 2019 den e ministerio i su disponibilidat pa dirigi ROP komo Direktor Interino.
ROP ta informá seguidamente, ku e direktor suplente entrante 1 di sèptèmber 2021, ta Raymond Felisie. Nos ta deseá Sr. Felisie tur kos bon pa e enkargo aki den e servisio, i ta spera ku su persona lo ehersé esaki sublime.
Di parti di Ministerio lo entamá e proseso pa reklutashon i selekshon di un direktor pa ROP.
