Minister Charles Cooper y Hipodromo Internacional de Curaçao Almirante Brion N.V. (Hipodromo), riba diabierna dos di december, a firma un acuerdo pa Hipodromo ricibi un tereno pa por desaroya un pista di careda di cabay di nivel internacional.
Bou di cierto condicion, Hipodromo lo ricibi un tereno den forma di huur pa un periodo di 5 aña na Brievengat pa entre otro:
– realisacion di un pista pa careda di cabay riba nivel internacional,
– expansion di e pista,
– realisacion di vivienda pa personal y
– realisacion di un paseadero (‘horse walkers’) pa e cabaynan.
Minister Cooper ta satisfecho cu e acuerdo aki y ta desea Hipodromo exito cu realisacion di e proyecto.
