Diabierna mainta, den careda di 9:00am, a sosode un accidente rib’e rotonde di Banco di Caribe, den cual un Ford Edge y un Honda Fit tabata involucra.
Informacion recopila n’e sitio ta indica cu e Honda Fit, cu tabata bayendo den direccion Dakota, no a coy e bocht (bon) y a sigui stret riba e rotonde y a bay dal den e Ford Edge, den un impacto semi-frontal.
Afortunadamente, ambos chauffeur a sali ileso danki n’e uzo di safety belt y tambe e airbagnan. Daño material na ambos auto tabata considerabel.
Un biaha mas ta crucial p’e chauffeurnan maneha cu mas precaucion y respeta e reglanan di trafico pa evita situacionnan manera esaki.
