Minister di Turismo y Salud Publico Dangui Oduber ta informa comunidad cu e resultadonan di turismo pa e prome kwartaal di 2024 a drenta. A ser demostra cu analisis cu e demanda pa Aruba ta keda uno halto.
Minister Oduber ta satisfecho con luna di april a cera cu resultadonan positivo. Den luna di april 2024 a ricibi 121,215 bishitante cu a drenta Aruba cu ta ilustra un crecemento di 9.7%. Aruba a ricibi un total di 96,060 turista crucero. Turistanan ta keda satisfecho cu Aruba y ta clasifica e “Guest Experience” cu un 9.0. E categoria miho clasifica ta: ambiente cu 9.4. Ta midi e impacto economico aki cu Average Daily Rate (ADR) cu ta na $294 y Occupancy Rate cu ta na 57% cu un entrada di $20.155,958 pa e luna di april 2024.
E mandatario ta remarca cu e prome kwartaal di 2024 ta uno hopi positivo pa Aruba.
Un resumen di e prome lunanan di e kwartaal di 2024 ta lo siguiente:
• Januari 2024 a habri cu 117.172 bishitante y a ricibi un total di 123,374 turista crucero. Ta midi e impacto economico aki cu Average Daily Rate (ADR) cu ta na $310 y Occupancy Rate cu ta na 77.9% cu un entrada di $27.076.500 pa e luna di januari 2024.
• Den februari 2024 tabatin 122,149 bishitante cu a drenta Aruba y a ricibi un total di 128,386 turista. Ta midi e impacto aki cu Average Daily Rate (ADR) cu ta na $284 y Occupancy Rate cu ta na 78.2% cu un entrada di $22,005.276 pa e luna di februari 2024.
• Maart 2024 a ricibi 141,380 bishitante cu a drenta Aruba cu un 25.8% den crecemento compara cu e mesun luna di 2023.Ta midi e impacto aki cu Average Daily Rate (ADR) cu ta na $296 y Occupancy Rate cu ta na 70.1% cu un entrada di $22,856.992 pa e luna di maart 2024.
• April 2024 a ricibi 121,215 bishitante cu a drenta Aruba y a ricibi un total di 96,060 turista crucero. Ta midi e impacto economico aki cu Average Daily Rate (ADR) cu ta na $294 y Occupancy Rate cu ta na 57% cu un entrada di $20.155,958 pa e luna di April 2024.
Pa conclui, Minister Oduber ta bisa cu e ta satisfecho cu Aruba ta keda un destinacion precioso pa hopi bishitante den Caribe. Resultadonan ta demostra cu keto bay tin cifranan halto pa confirma e bon maneho.
Minister Oduber kier a gradici tur partnernan di turismo, ATA, AAA, APA, AHATA, ATSA y Aruba vacation rentals pa e resultadonan positivo aki. Danki na tur persona laborando den e sector turistico, ban sigui demostra nos cordialidad y duna e hospitalidad na nos bishitantenan cu nos ta conoci pe.
