Presidente di Fundacion pa Academia di Papiamento, Elsmarie Beukenboom a propone un maneho di idioma na Gobierno di Boneiro, cual a wordo acepta. Beukenboom a splica, cu manera cu gobierno a acepta e proposicion, mesora nan a cuminsa traha riba un plan di implementacion. Pa yuda den e proceso aki, a contrata dr. Martha Dijkhoff y tambe a pidi ayudo di Profesor Joyce Pereira di Aruba. E maneho di Boneiro ta diferente cu e otro islanan cu ta papia papiamento mirando cu ta bringa pa tin un maneho multilingual na Boneiro.
Na momento cu gobierno di Hulanda a pidi Gobierno di Boneiro pa bin c’un plan di maneho di Papiamento. Pa e investigacion aki a contrata algun experto den ramo di idioma for di Puerto Rico, Aruba, Hulanda.
E personanan aki a haci un investigacion profundo na Boneiro riba idioma y educacion di Papiamento. E resultado aki a sali afo cu Boneiro mester ta un isla multilingual mirando cu Boneiro ta un isla turistico, pa cual for di chikito mester cuminsa siña e muchanan di scol tur e idiomanan aki.
E proposicion aki no solamente ta destaca e importancia id Papiamento den e identidad cultural di Boneiro, sino cu tambe ta subraya e necesidad di un enfoke structura pa e preservacion y promocion di e idioma. Cu apoyo di e Gobierno di Boneiro, a cuminsa un plan di implementacion cu ta priminti di fortalece e uzo di Papiamento den tur aspecto di bida cotidiano y educativo di e isla.
E participacion di dr. Martha Dijkhoff y Profesor Joyce Pereira, ambos cu experiencia amplio den estudionan linguistico y e promocion di Papiamento na Aruba, ta garantisa cu e miho practica y metodologia lo wordo aplica pa alcansa e obhetivonan proponi.
E contexto den cual Boneiro ta encontra su mes ta unico. Contrario n’e otro islanan di Caribe, Boneiro ta enfrenta desafionan specifico relaciona cu su naturalesa multicultural y multilingual. E isla ta un destinacion turistico cu ta birando mas popular dia pa dia, cual ta haci cu ta bira imprescindibel cu e hobennan ricibi un educacion den cual ta inclui Papiamento, sino tambe otro idiomanan manera Ingles, Spaño y Hulandes. E habilidad multilingual aki ta un bentaha competitivo riba e mercado laboral global y den e industria turistico local.
