E Rijkswet (acuerdo administrativo) cu Hulanda y Aruba lo firma proximamente ta trece e pregunta dilanti cu si e acuerdo aki ta e prijs cu nos mester paga pa nos autonomia.
Pa hopi tempo, tanto gobierno como oposicion ta culpa otro di entrega di autonomia, door di e supervision financiero (CAft) impone door di Gobierno di Hulanda. Riba esaki, Prome Minister, mr. Evelyn Wever-Croes a splica cu e acuerdo aki no solamente ta trece cu ne un reduccion den e interes cu Aruba mester paga na interes pa e fiansa relaciona cu COVID-19. Y e suma di 16 miyon ta solamente un parti chikito di esaki, cu ta e reduccion di 6.9% pa 5.1%. Despues e lo baha di 5.1% pa 3.4%. Un otro beneficio financiero cu lo bin ta e debe externo.
Actualmente Aruba ta pagando 320 miyon florin. Ora cu e Rijkswet dura largo, tin chens cu e interes cu ta spaar riba tanto e debe externo, como COVID, no ta 16 miyon florin, pero e por ta hasta mas.
Ta bin acerca cu por haci inversion un biaha mas, si pensa riba un prizon nobo, e casnan di cuido, lo por haci inversionnan aki un biaha mas. Lo tin hopi mas beneficio cu ta bin hunto cu e Rijkswet cu den e temponan dilanti, por wordo cuantifica.
BUDGETRECHT
Un otro punto cu minister-president a trece dilanti, cu e Rijkswet no ta mina e Budgetrecht di Parlamento, al menos no mas cu loke el a haci caba door di mr. Mike Eman y partido AVP na 2015.
DOBLEGA
Por ultimo, e mandatario a bisa cu Gabinete Wever-Croes no a buk ni sucumbi, nan no a kibra pa Hulanda. Simplemente, a pone e interes di pais Aruba na prome luga, hasta riba nan propio opinionnan personal. Y esey ta loke un gobierno responsabel, ta haci.
