E fayecido den e accidente fatal di trafico diabierna merdia ta conoci. Ta trata aki di Jefferson Lopes, kende ta biba na Calabas.
Segun por a compronde, e accidente a tuma luga hopi cerca di su cas. Jefferson Lopes tin 28 aña y ta casa, pero no tin yiu. E ta masha conoci den mundo di futbol y a milita den entre otro RCA. Aworaki e ta forma parti di SV Caiquetio.
E expertonan di trafico cu tabata na e sitio a cuminsa mesora cu nan investigacion y a test e chauffeur di e auto envolvi den e accidente. E prome test a sali cu el a bebe alcohol y a surpasa e limite permiti pa ley.
Keda pendiente pa mas informacion.
Na famia di e fayecido ta bay palabra di condolencia.
