Diabierna marduga den careda di 12:35am un accidente a tuma luga ariba e rotonde di Ponton di Watty Vos Blvd. E chauffeur di un Hyundai Accent color cora cu placa nrA-32161 a pasa e rotonde sin stop y a dal un otro auto cu tabata pasando riba e rotonde. Despues, e Hyundai Accent a dal contra un curá di cas y a basha un heki abou, resultando en daño material basta.
E otro auto involucra tabata un Hyundai i30 color shinishi cu placa nrA-64292. E chauffeur di e Hyundai i30 a sali cumpra un cuminda na Candela y mientras tabata na caminda pa cas, e accidente a tuma luga pa motibo di un chauffeur bou influencia di alcohol.
E chauffeur cu tabata bou influencia di alcohol a keda deteni y transporta pa warda di polis.
