Prome cu siman a cera, atrobe polis ta hay’e ocupa c’un caso serio. E biaha aki tabata un caso di hincamento den Silla Bar den Hendrikstraat. Aki ta caminda cu dos homber a hala otro na conopi y cos a bay asina leu bay over na hincamento.
Na prome instante polis no tabatin mucho informacion, mirando cu ora e situacion a sosode, tur hende a keda keto y no kier a bisa polis nada. No a dura mucho cu polis a ricibi informe cu e hincamento a sosode den Silla Bar mes.
A cera tur rond di e area p’asina e team tecnico di polis hunto cu recherche atende cu e caso serio aki. A compronde cu un persona a yega cu hinca na ImSan. Polis ta investigando e caso aki.
