Awe Aruba a firma un acuerdo cu reino riba revision di e rijkswet, caminda cu lo bay tin cambio den e interes cu Aruba tin cu paga reino bek, di 6,9 pa 5,1%. Tanto miembro di fraccion di RAIZ, Raymond Kamperveen y presidente di Parlamento, mr. Edgard Vrolijk, a mustra nan satisfaccion p’e accion tuma di parti di gobierno, p’esaki.
Di su banda, Parlamentario Kamperbeen, a comparti su perspectiva riba su situacion actual di e revision di e Rijkswet prome cu e Encuentro Publico di awe. Kamperveen a subraya e importancia di reflexiona riba e discusionnan anterior a destaca cu, como plataforma RAIZ, a expresa den pasado nan desacuerdo cu e aplicacion di e RAft (Rijkswet Aruba financieel toezicht) debi n’e posibilidad cu e lo por afecta e autonomia. El a enfatisa e necesidad di considera e impacto riba e comunidad di Aruba y busca e miho curso di accion pa su beneficio.
E reunion di awe, caminda cu lo discuti e parti di revision di RAft, ta di suma importancia. Kamperveen a expresa su satisfaccion cu e proceso te asina leu, reconociendo e necesidad di priorisa e bienestar di Aruba y adapta n’e circunstancianan, incluyendo e demanda di cambio necesario.
Di su parti, presidente di parlamento, mr. Edgard Vrolijk, a enfatisa riba e avancenan reciente di e negociacionnan, mencionando un acuerdo administrativo pa traha riba un Rijkswet nobo, loke ta nifica e intrekking di e RAft. E acuerdo aki ta representa un logro significativo, cu un reduccion di e interes cu lo beneficia Aruba. Vrolijk a enfatisa cu e progreso aki ta e resultado di un enfoke madura y colaborativo entre e gobierno y parlamento p’e bienestar di e isla.
Door di atende e preocupacionnan riba papl di parlamento de ne proceso aki, Vrolijk a indica cu, al contrario, un consenso den e Rijkswet lo otorga parlamento un papel mas importante y respeta den tumamendo di decision. El a subraya e importancia di e desaroyo aki pa fortalece democracia y e gobierno participativo den Reino.
Resumiendo, e avancenan den e revision di e Rijkswet ta refleha un compormiso comparti pa progreso y bienestar di Aruba. Mientras cu e negociacionnan ta continua, ta spera cu parlamento hunga un papel central den e conformacion di e maneho cu ta beneficia e comunidad di Aruba.
