E campaña di reeleccion di presidente Donald Trump a presenta awe un demanda unda ta exigi pa stop e reconteo di Michigan.
E ta considera cu no a dun’e suficiente acceso na e luganan cu ta haci e conteo di voto. Bill Stepien, hefe di campaña di Trump, a anuncia cu su team lo pidi tambe di biaha un reconteo den e estado clave di Wisconsin.
“No a otorga e campaña di presidente Trump acceso significativo na hopi luga di reconteo pa mira e apertura di papeleta y e proceso di conta, manera ta garantisa pa e ley di Michigan,” Stepien a bisa den un comunicado. “Awe nos ta presenta un demanda na e Corte di Reclamo di Michigan pa stop e conteo te ora garantisa nos un acceso significativo. Tambe nos ta pidi pa revisa e papeletanan habri y conta mientras cu nos no ta tabatin acceso,” el a bisa acerca.
Michigan tabata e estado clave cu Trump a gana cu ne na 2016, y ta un di e cinco teritorionan clave unda e resultado ta demasiado cerca pa anuncia un ganado. Esey ta stroba pa haya sa awe ken a gana e eleccion presidencial. E conteo cu a drenta ta di 94% y democrata Joe Biden tin un bentaha di mas cu 37.000 voto riba Trump, cu ta un margen di apenas 0.7%.
E autoridadnan electoral di e estado tabata warda pa completa e conteo di 100.000 voto den henter e estado, mayoria di nan a vota via post manera Detroit, Flint of Grand Rapids. Trump a sigui genera dudanan di legitimidad di e resultado na Michigan, door di skirbi riba Twitter cu awo a haya e papeletanan necesario pa laga afo e Senado di candidato republicano di e estado ey, John James, aunke ainda no a haya e resultado oficial. Tambe e ta purbando di trece desconfiansa riba e resultado di Pennsylvania, unda cu e cifranan di voto ta hopi cerca di otro. “Nos ta ganando hopi na Pennsylvania, pero e secretaria di estado a anuncia cu tin miyones di papeleta pa conta,” el a pone riba Twitter.
E campaña di Trump ta cuestionando e procedimento estableci na Pennsylvania, unda votonan via post ta valido y lo haya nan tres dia prome cu diamars. Door di no sa e resultado den e estadonan clave, Biden tin 248 di e votonan electoral den Colegio Electoral dilanti Trump cu a acumula 214, cual obhetivo ta pa yega 270 p’e victoria.
Texto y potret cortesia di EFE/EPA/CHRIS KLEPONIS, EFE/Giorgio Viera y EFE/George Frey.
