Diasabra promer cu 4:00 pmi, informe a drenta cu un auto lo a drenta mondi den Caya Fransebloem na Jaburibari.
N’e sitio, polis a bin topa cu un hende muhe, kende a informa polis cu e ta mama di e chauffeur di e auto, un Nissan March colo blauw, cu a drenta mondi.
Segun fuente n’e sitio, e mama a laga sa cu su yiu, chauffeur di e auto, debi na un pleito cu su pareha, e yiu a rabia asina hopi cu el a subi e auto y a hinca esaki den mondi na final di e caya.
E chauffeur mes no tabata n’e sitio. Segun testigo, despues cu e chauffeur a hinca e auto den mondi, el a disparce den mondi.
Tabatin basta sla n’e auto. Tambe por a nota cu e windshield dilanti bata kibra na banda di pasahero. No ta conoci si e chauffeur a keda herida despues di e impacto.
Autoridad a tuma tur dato di e auto y despues bay core den vecindario pa mira si nan ta topa cu e chauffeur.
