Riba dia 6 di Juni proximo, ATIA lo ta anfitrion di e tayer yama “Building Lasting & Empowering Networks”, cual lo tuma luga den nan edificio situa den Pedro Gallegostraat 6 na Dakota.
E rednan profesional robusto ta impulsa nos crecemento, ta potencia e desaroyo personal y profesional y a duna nos un bentaha riba competencia. Nan ta proporciona posiblemente e moneda mas valioso: e capital social, yena di informacion, experiencia, confiansa, apoyo y balor total cu ta existi den nos relacionnan.
Tur cos cu ta interesabo (rikesa, exito, bienestar), ta predico pa bo puntuacion di conexion social, pa con bo ta interactua cu otro personanan. Segun e investigacion di universidad, si bo wak un sero cu bo tin cu subi, e sero ta mustra 10-20% mas skerpi cu si bo wak’e so, na luga di cu un hende cu ta subi e sero cubo. Mesun cos ta aplica si bo ta purbando di desaroya su carera of sobresali den un buskeda empresarial: su celebro ta mustra e desafionan cu ta 10-20% mas skerpi cu si bo wak’e bo so, na luga di ora cu ta cu un hende mas.
E tayer aki lo enfoca riba construi relacionnan personal y profesional exitoso y significante, y lo suministra hermentnan concreto pa desaroya strategianan – con pa intercambia y atrae personanan nobo na bo network, con pa engage cu pensamento, lidernan den bo area, y con bo por profundisa bo conexionnan coriente den maneranan practico cu por cuadra den bo schedule druk. E tayer aki lo envolvi eherecisionan cu lo ponebo cuminsa crea habitonan nobo di biaha, pa cual ta e proceso gradual y continuo cu realmente ta fortalece nos conexionnan. Lo bo haya hermentnan pa ponebo riba e caminda pa crea relacionnan duradero y vibrante exitosamente.
Manera menciona ariba, e tayer aki lo ta dia 6 di Juni, 2019, cuminsando di 2’or di merdia pa 5’or di atardi den e edificio di ATIA, situa den Pedro Gallegostraat 6.
Registracion ta na balor di 100 florin y e tayer ta bay wordo presenta pa Dagmara Avanindra.
Ken ta Dagmara Avanindra
Dagmara Avanindra a cuminsa su carera como un ingeniero electrico introverti na Silicon Valley, specialisa den Circuit Design, Power and Signal Integrity.
Ademas di disfruta di e aspectonan tecnico di su carera, Avanindra tabata gradicido cu su trabao lo a implica un interaccion minimo cu persona, ya cu e no tabata tin cla con pa construi relacionnan profesional.
Esey a cambia ora cu Avanindra cambia su enfoke profesional pa e sector di energia Caribense. El a muda pa Aruba seis aña pasa, unda cu e no tabata conoce ningun hende. Esaki a cuminsa cu e biahe di Avanindra pa siña habilidadnan pa establece relacion, tanto cuminsa cu experiencianan nobo, y buscando educacion continui, mehorando su habilidadnan di comunicacion y networking. Avanindra tabata envolvi den e ambito energetico di Caribe, tanto for di e punto di bista di sectornan publico como priva, unda cu e mester a desaroya sensibilidadnan cultural y establece relacionnan significativo pa ta efectivo.
Tanto e exito como erornan inadverti a sirbi como maestronan excelente pa e habilidadnan di construccion di relacionnan di Avanindra, loke a impuls’e pa busca formanan mas structura pa adkiri habilidadnan di formacion di relacionnan atrabes di experiencia y aprendisahe di e miho lidernan di e arena.
Avanindra ta presidente di borad di 360 Degrees of Innovation Foundation, cu ta enfoca pa trece e miho practicanan sostenibel pa Caribe. Tambe e ta fundado y CEO di DAVA Energy Solutions, facilitando proliferacion di fuentenan robusto di energia renobabel. Avanindra ta orguyoso di ta miembro di Clinton’s Foundation’s Women in Renewable Energy (WIRE) Network, cu ta enfoca riba conecta hende muhenan den e sector di energia di Caribe. Avanindra tin un Bachelor’s Degree den Ingenieria Electrico y un Master’s Degree den Ingenieria Electroico di Stanford University.
Pa por registra, manda un email na [email protected] of yama na 5827593.
