Apple a presenta diaranson Iphone y holoshinan mas grandi, basa riba e diseño di e modelonan actual, loke ta confirma e expectativa di Wall Street cu e compania solamente ta haci cambionan menor den su alineacion.
Ta iPhonenan mas grandi historia. Di contrario, e cambionan tabata menor.
E telefonnan nobo di Apple ta XS, cu un pantaya di 5.8 duim, cuminsando for di $999 y e XS Max, cu un pantaya di 6.5 duim, y riba un prijs cu ta supera mil dollar.
Tambe nan a lansa un iPhone Xr di 6.1 duim di costo mas abao, traha di aluminium. E prijsnan ta cuminsa na 749 dollar.
Segun Gerber Kawasaki, CEO di Ross Gerber a bisa cu Apple tin mester tin un telefon nobo aki y bende iPhone ta un especie di rendimento decreciente, haciendo nan mas grandi, mas caro y confiando den servicio unda cu lo bo obtene un reduccion di innovacion di otro hende. E ta bisa tambe cu e ta un posicion precario y e unico rason pa cual realmente e tin, ta pasobra e ta un monopolio. Apple tin cu haci algo, el a splica.
Analistanan ta bisa cu Apple ta buscando formanan di disminui su dependencia di telefon pa obtene mas ingreso.
E compania tambe a actualisa su Apple Watch, cu awo ta bin cu un pantaya mas grandi y funcionnan cu, segun e compania ta spera, ta convierti nan den un dispositivo di salud mas completo.
E accionnan di Apple a cay den noticia. E accion a subi mas di 30 porciento e aña aki, loke ta converti Apple den e prome empresa Mericano cu ta cotisa riba e bolsa y ta alcansa un balor di mercado di mas di 1 biyon di dollar.