Diabierna anochi desconocinan a pasa tira boter di glas riba esunnan reuni na Centro di Bario Lago Heights pa atende un reunion di contacto di partido RAIZ. E atake, cu a sosode net prome cu 8’or, a keda capta door di live streaming andando riba e pagina di Facebook.
Lider di e partido, Ursell Arends a tuma rienda di e reunion y a dirigi su mes na e audiencia online pa duna un splicacion di kico ta sosodiendo. El a bisa: “Autoridadnan a wordo yama y nos ta keda pendiente. Nos ta zorg pa e siguridad di tur persona akiden prome. Nos ta evalua e situacion y dicidi con nos ta continua.”
Momentonan despues, coleganan di 24ora.com a entrevista Arends kende a comparti su prome impresion y pensamento riba e sucedido.
Pa mas detaye di e noticia aki, lesa bo edicion di diasabra di e corant digital TREMPAN. Registra na www.trempan.com pa ricibi TREMPAN tur dia gratis den bo email.