Diabierna anochi alrededor di 10:20 pm a sosode un accidente basta fuerte den Dakota. Ta na e crusada di Guyabastraat cu Amandelstraat. E vehiculonan envolvi ta un pickup marca Volkswagen modelo Amarok y un Hyundai H1 color blanco.
E Amarok tabata biniendo riba Guyabastraat y no a duna preferencia na e Hyundai cu tabata riba Amandelstaat. E impacto tabata asina fuerte cu ambos auto a bay dal den dos van cu tabata staciona dilanti Toko Dakota. Ambos van cu tabata staciona dilanti Toko Dakota a keda destrui, un mas cu otro.
Un di e vannan a kibra por completo mirando cu a push’e pa djey kibra den cura di e edificio. Polis a presenta na sitio pa documenta e accidente, danki Dios, ningun hende a resulta herida. Pa awo, e seguro di e Amarok tin di bay cubri daño di tres auto, pa motibo cu e no a duna preferencia.
