Diabierna anochi, tabata tin un grupo di Venezolano cu tabata tin varios ora para ta warda un vuelo pa bay bek nan pais.
Nan a cumpra nan pasahi for di Albatros Airlines, pero pa motibo cu a cera e frontera bek, nan no por bay.
Un di e Venezolanonan a splica cu nan a cumpra pasashi pa nan bay, pasobra nan tabata manera secuestra na Aruba y nan no por a bula bay.
Venezolanonan a keda tera pa motibo cu Gobierno di Aruba a cera frontera cu Venezuela
Posted by 24ora on Friday, May 17, 2019
Na momento cu e vuelo supuestamente mester a bay, a bisa nan cu e vuelo no por a sali. Loke a bisa nan tambe cu e gobierno di Aruba no a permiti pa e vuelo sali. Esey ta un abuso contra e Venezolano, segun e dama, un falta di respet.
E ta indica cu e ta lesiona na un rudia y e mester bay, y awo ta resulta cu e no por bay. Awo e pregunta ta ki ora nan por bay. Si nan bay riba caya, nan ta detene, gara nan y cera nan. E dama a splica cu nan ta secuestra cu un gobierno cu no a laga nan sali.
El a pidi si di berdad e gobierno a manda cera e frontera, ta pidi nan pa laga nan sali. Sea como sea e kier bay for di Aruba. E ta secuestra den un pais cu no ta di dje.
E Venezolanonan a cumpra nan pasashi na Albatros. Pa colmo nan a bisa e Venezolanonan cu nan tin cu atende cu gobierno y no nan. Pero nan no a cumpra e pasashi for di gobierno, sino for di Albatros. Nan mester responde cu esaki, e dama Venezolano a splica. Awo nan ta sperando pa un solucion awe mes of mas pronto posibel.
