Soccer Institute Aruba (SIA) ta un instituto di futbol cu ta existi desde 2015. Nan t’ey pa yuda e muchanan desaroya nan habilidad den futbol. Hopi biaha ora cu ta hunga futbol den un team, esunnan mas miho ta esunnan cu por mira nan subi veld mas.
Na SIA, loke nan ta haci, ta traha cu e muchanan individual y laga cada mucha desaroya nan mes unda cu nan ta y pa nan continua.
Segun Josephine Martilia-Albertus, boluntario na e Social Soccer Experience di SIA, diasabra y diadomingo ultimo nan tabatin un Social Soccer Experience p’e muchanan den Joe Laveist Ballpark. E ta algo completamente gratis p’e muchanan.
Ta gradici e patrocinadonan cu a yuda inmensamente pa realisa e clinica aki, pasobra sin nan esaki no tabata posibel.
Pa organisa e evento aki e tabatin su costo cu ta core den por lo menos 15 mil florin. Ta hopi bon p’e muchanan cu nan por a haci durante fin di siman. Albertus ta spera pa sigui haci esaki, no solamente na San Nicolas, pero e otro districto na Aruba, mirando cu tin hopi mucha cu gusta hunga futbol.
Tampoco mester lubida e boluntarionan cu tambe a haci e evento posibel.
Pa cobertura mas amplio lesa edicion di TREMPAN mañan.
