Dia 9 di mei 2024, Entertainment Center di Aruba lo tin e evento di Celebra Aruba. Y p’e motibo aki Pastoor Ben Kroeske di Hulanda ta amplia mas di e iniciativa bunita aki di Good Samarithan Church y di su motibo pa cual e ta na Aruba.
Pastoor Kroeske a conta cu esaki ta su prome biaha na Aruba y p’e ta un honor pa ta na Aruba pa motibo di e evento di Celebra Aruba. Un evento cristian, pero un y tur ta bonbini. El a conta cu e evento aki basicamente lo ta un evento pafo, pafo di iglesia, pafo di e cuater murayanan di e iglesia. Hopi iglesia hunto, trahando hunto pa Aruba sa cu tin speransa, cu tin goso, cu tin amor y paz cu ta haya den CristoHesus. Y simplemente celebra tur bendicion di Dios.
E lo ta un evento grandioso, cu musica y hunto bin den adoracion. Y pakico e iniciativa aki ta asina importante? “Mi lo hacie hopi personal y lo conta mi historia.”
Na 2006, pastoor Kroeske a cuminsa bisa, e tabata un studiante universitario na Hulanda y tabata leu di Dios. Riba superficie, tur cos tabata mustra bon, pero di paden e tabata sintie bashi. No tabatin bida berdadero, goso ni paz. Y un anochi, el a invita Hesus bin den su bida y tur cos a cambia.
E amor y gracia cu el a ricibi, aunke e tabata sinti cu e no tabata merece, a transforma su bida por completo. Desde e tempo ey, lo unico cu e kier haci ta comparti e amor ey cu otro. Den e mundo actual, yen di turbulencia, cu ta emergi di e sombra di COVID-19, hopi ta esunnan cu ta enfrenta desamparo, adiccion, soledad y desesperacion. Pero e amor di Hesus por transforma cualkier bida y situacion.
Pastoor Kroeske ta kere firmemente cu, sin importa e origen di cada un di nos, Dios tin un plan special pa cada individuo y famia. E ta spera cu e hendenan bin na masa pa Aruba Entertainment Center c’un sonrisa riba nan cara y speransa den nan curason. Den su estadia cortico riba nos isla, ya caba el a haya calidez y hospitalidad di e pueblo di Aruba.
IGLESIA NA ELMSTED
El a sigui conta cu su casa y su persona a conoce otro na un scol biblico na Florida y despues di seis aña eynan, nan a sinti e yamada di Dios pa funda un iglesia na Elmsted. Nan a laga tur cos atras na Merca pa embarca den e biahe aki.
Similar di loke nan ta haciendo na Aruba, nan mision na Hulanda ta di difundi e mensahe y speransa di Hesus rond mundo. Nos a wak bidanan wordo transforma na Amsterdam y nos ta emociona di wak kico Dios lo haci na Aruba.
El a cuminsa for di nada, e no tabata conoce niun hende na Amsterdam. Realidad ta cu tabatin un sirbishi unda cu niun hende a bin. Tabatin hopi stoel bashi y mi a bisa mi casa y mi yiu muhe tabata sinta den nan stoel y unico cu mi a pidi ta pa nan cuida di e stoelnan bashi ey.
Pero for di e momento ey, cosnan a crece. Awo nos tin mas cu mil miembro cu ta yama River Church nan cas. Nos tin dos sede na Amsterdam y Amersfoort, pa esunnan cu conoce Hulanda.
Facebook live link: https://fb.watch/rWtCWk8FT6/
MUNDO DEN NECESIDAD
Tur caminda na mundo, hende ta den necesidad. Tur caminda na mundo, tin hende bashi. Y pastoor Kroeske ta kere cu cada persona ta traha cu e buraco aki paden,. Basicamente un buraco den forma di Dios, si bo kier pon’e asina, un buraco cu solamente Dios por yena.
Por bisa cu ta mescos na Amsterdam cu na Aruba. Hende ta herida, hende ta kibra, e hende ta amabel, e diabel ta un diabel malbado, pero di berdad, Dios ta un bon Dios y e ta cambia bida. Y na Amsterdam, por wak bidanan cambiando y “di berdad, nos ta sperando pa wak kico Dios lo haci cu e hendenan di Aruba.”
Pastoor Kroeske ta kere firmemente cu Dios ta stima e luga aki, Dios ta stima e isla aki y su hendenan. El a wak tambe e problemanan den cual e hendenan a haya nan aden. “Dios a wak e dolor, el a scucha e yora y mi ta kere E kier responde cu su bondad y su amor. Di berdad, mi ta ansioso pa wak kico Dios kier haci akinan.”
E cooperacion cu su iglesia River Church tin cu Good Samarithan Church aki na Aruba ta uno di gran importancia, hunto cu pastoor Frank y Jackie Daal. Pero tambe cu otro iglesianan.
Actualmente ta teniendo cuatro anochi den un otro iglesia, Iglesia Emanuel, hunto cu pastoor Gilbert. Y asina tin hopi iglesia trahando hunto pa haci e evento aki sosode. Esey ta sumamente importante, pasobra unidad ta importante y hopi biaha iglesia ta conoci pa division y pasobra esey ta contra tur sorto di cos, pero realmente loke kier mustra cu e evento aki, como iglesia tambe, ta cu tin mensahe, y tin un mensahe di speransa, y un mensahe di amor, un mensahe di salbacion, y e iglesianan ta bin hunto pa realmente laga e mensahe aki wordo scucha Na Aruba, cu no importa kico pasa aya, no importa kico pasa den mundo, tin un contesta.
Pero, pastoor Kroeske a subraya, cu nan no ta biniendo di ariba bay abou bisando cu nan tin tur cos hunto, nan ta biniendo c’un curason masha humilde sabiendo cu nos ta nada sin Hesus. P’esey ta asina bunita tambe pa bin hunto manera iglesia, hunto bisando, “Hey, nos ta uni y di berdad, nos tin un enemigo comun, bo tabata sa esey? Esey ta e diabel y e ta purba. Hesus a bisa, e bobo, e diabel, ta bin pa horta, mata y destrui. Pa kibra bida realmente.
Pero Hesus a bisa, mi a bin pa duna bo bida y bida mas abundante. Y esey ta loke nos ke comparti, no ta importa kico e diabel a haci bo. Adiccion, divorcio, fayo, cualke cos, famia faya, no importa kico diabel a haci bo, Hesus tin bida den abundancia pa bo. Y mi ta kere cu esey ta e mensahe, mi no por papia pa tur iglesia, naturalmente, pero mi ta kere cu como e iglesianan ta biniendo hunto pa e mensahe ey por wordo scucha, cu tin un Bon Dios cu ta realmente importa riba Aruba y cu ta importa riba bida individualmente, p’esey… No ta trata di condena hende, pero ta habri pa ricibi tur hende.
Si, bo sa, tin biaha hende tin un imagen di Dios, cu Dios ta un Dios realmente malo, manera cu un rol grandi den shelo cla pa dal hende na nan cabes cada biaha cu nan haci un eror, pero esey no ta e Dios di Bijbel. Den bijbel Hesus, en realidad a bisa: “Si bo a mira Mi, bo a mira e Tata, el a bin pa mustra kico e Tata tabata realmente. Y Bijbel ta bisa cu Hesus a bay haciendo bon y curando tur cu tabata contra di diabel pasobra Dios tabata cu ne. Asina Hesus a bay haci bon na e hendenan, E tabata cura e hendenan, cura esunnan cu tabata desespera, libera e esclavonan? Liberando hende cu ta habri pa tur sorto di adiccion y opresion y kisas depresion of pensamento suicida of miedo of tur cos.
Hesus a bin libera e hendenan y caminda e tabata bay tabatin goso den e ciudad, tabatin bida. El a topa un muhe na un poz y e muhe tabatin cinco esposo y esun cu tabata hunto cu ne no tabata ni su esposo. E tabata solamente di relacion kibra na relacion kibra na relacion kibra y Hesus a cuminsa papia cu ne y na principio e no tabata ke tende esey. E tabata bisa, “No, mi no ke papia di Dios y mi no ke papia di religion y mi no tin nada di haber cu esey. E tabata sinti su mes spanta. E tabata bisa, mi no por papia cu Dios. Kisas hende na cas ta sinti manera, “Mi no por bay Aruba Entertainment y Dios no ta stima mi. Ma Hesus a bisa: “No, mi ta preocupa pa bo.” Y salbacion a bin na su curason y su bida a cambia henter su bida.Dios no a cambia
Bin diahuebs, 9 di mei y keda te cu diasabra, bin tur e anochinan y simplemente bin celebra y kisas, sinti boso orguyoso. Ta bay tin hopi regalo, pero na final, nos ta kere cu ta bay tin hopi alegria, bay scucha bon musica, nos lo bay baila, nos lo bati mas, tur anochi nos lo duna regalo y e hendenan cu asisti lo ta bendiciona.
