Dialuna mainta a sosode un accidente n’e crusada Caya Juan Pablo II – Dadelstraat, entre un auto Honda CRV y un Nissan Tiida.
E chauffeur di e Honda CRV no a paga tino n’e crusada, caminda e mester a para pa duna preferencia n’e Nissan Tiida y a bay dal den dje.
Door di e impacto e chauffeur di e Tiida a perde un poco e control di su auto y a bay dal den cura di e cas n’e skina. El a resulta levemente herida cu dolor den lomba y nek, pero tambe cu hopi susto.
