Den oranan di dia a drenta e noticia un dama Rubiano biba na Bruselas Belgica cu tabata di vakantie na Italia, a fayece den un accidente di boto. E accidente a sosode riba Lake Como ora cu dos boto a dal den otro y e dama Rubiano a fayece. Informacion ricibi ta duna di conoce cu e capitan di e otro boto tabata bou di influencia di alcohol. Polis ta haciendo nan investigacion.
E victima ta Julina de Lannoy, kende a casa algun luna atras y a ta bibando pa varios aña caba na Belgica. E tabata abordo di un di un boto cu un grupo di amistad ora cu nan tabata para y e boto a bin dal den nan. Lamentablemente Julina di 32 aña a fayece.
Nan a huur un boto pa haci un trip. Durante e impacto, e golpi a sac’e for di e boto y a bay dal den e propeller. Hopi lihe tabatin paramediconan na e sitio pero no por a haci nada mas cu declar’e morto na e sitio. Tabatin otro seis herido pero leve.
E ta famia di propietarionan di e famoso tienda Casa de Lannoy y a bay scol na Colegio Arubano, tabata miembro di International Order of the Rainbow Girls.
Na su famia ta bay palabra di condolencia
