Bo ta familiar cu e Carnaval Hulandes? E bistinan tradicional di ‘boerenkielen’, e barnan yen di amigo, e famoso ‘polonaise’ y e canticanan cu tur hende ta canta hunto y cu, despues di tende nan un biaha, bo no ta lubida mas. Algun dia caminda tur hende ta celebra hunto, sin preocupacion.
Of bo ta mas familiar cu Carnaval di Aruba? E paña yen di color, e paradanan den caya, e musica cu bo ta tende tur caminda y e energia cu ta pone henter e isla den ambiente di fiesta. Carnaval na Aruba ta algo cu bo ta sinti di cabes te pia!
E aña aki Surfside Beach Bar ta combina e dos mundonan!
Cu Dushi Alaaf, Surfside Beach Bar ta trece dos tradicion di Carnaval hunto y celebra e tradicionnan y canticanan popular di Carnaval Hulandes na estilo Arubiano: bou di solo cayente, cu pia den santo band’i lama. P’esey, lubida e cayanan friu y bo ‘regen jas’, pasobra na Surfside Beach Bar, nan ta celebra Carnaval den un ambiente tropical!
Sea cu bo ta bin di Brabant, Limburg of Aruba, dia 11 di november tur hende ta bonbini pa habri e temporada nobo di Carnaval hunto. Canta e canticanan clasico, participa den e famoso ‘polonaise’ y brinda cu nos ofertanan special di cerbes y ‘shots.’
DJ Bradley Fonseca, DJ Nomi y DJ Bonjorno lo percura pa e fiesta sigui durante henter e dia, cu musica, alegria y un ambiente inolvidabel.
Ambiente festivo Hulandes, solo di Aruba: esey ta Dushi Alaaf!
• Surfside Beach Bar, Aruba
• Diaranson 11 di november
• 3:00 PM – 11:00 PM
