Scol Dununman ta conmemora su cincuenta aniversario cu un siman di actividad special dedica n’e muchanan y comunidad escolar. Sharline Geerman-Rodríguez, cabesante di e scol, a indica cu cincuenta aña ta un logro importante y cu e celebracion no por pasa sin atencion.
E programa a cuminsa dialuna cu weganan den klas, wega di mesa, karaoke, wega cu blaas y face painting. Diamars lo tin un Splash Day, mientras cu diaranson e muchanan lo participa na un actividad na A Foco Emocionan. Diahuebs ta reserva pa Zumba Day y diferente wega fisico.
Diabierna e celebracion lo culmina cu un misa di scol. Despues, e muchanan y personal lo reuni na Marriott Hotel pa un desayuno cu henter scol y e team, manera clausura di e festividadnan.
Geerman Rodríguez a splica cu e scol ta atende mucha entre cuater y diesseis aña cu hopi dificultad pa siña. A pesar di e dificultadnan, e muchanan ta ricibi les manera cualkier otro scol, cu atencion pa nan necesidadnan. E cabesante a agrega cu e actividad di dialuna a dura un ora y mey, despues di pauze, mientras cu e programa di diamars lo tuma henter dia. Asina, cada dia tin su propio actividad y oportunidad p’e muchanan participa.
Cu e programa aki, Scol Dununman ta celebra no solamente su trayectoria, sino tambe e dedicacion di su personal y e importancia di crea experiencia positivo p’e muchanan. E aniversario ta reuni scol y comunidad den un ambiente di alegria y union. E programa ta ofrece espacio pa wega, movecion y compañerismo durante e siman di aniversario.
Pa mas detaye lesa TREMPAN.
