Diamars marduga alrededor di 12:30am un homber tur na sanger a yega na e parking lot di Crystal Casino gritando cu nan a batie. Ta net pabou di edificio di ex Duana riba Boulevard, ey miembro di siguridad a bati alarma mesora na polis. Na yegada di polis el a conta cu un trio a golpie formal den Ranchostraat.
Polis a puntr’e kico el a bay haci den Rancho den oranan laar di anochi. Segun e victima, el a bay bishita un conoci di dje.Polis no tabata mucho convenci cu su contesta, probablemente a bay cumpra un “cos” y durante e benta, algo a bay robes. Cu hopi sla y cu sanger na cabes, polis a conseh’e pa bay entrega keho awe mainta na recherche.
